သတိမူကြစေဖို့

ချစ်ခင်လေးစားရပါသော ပရိတ်သတ်ကြီး မင်္ဂလာပါဗျာ

ပထမတော့ Post ကို ရေးမယ်လုပ်တော့           ဂဗ္မီရပညာရှင်များ အတွက် နေထိုင်ရမယ့် ကျင့်ကြံရမယ့် နည်းလေးတွေ ပြန်ပြီး Sharing လုပ်ပေးမလို့ပါပဲ၊ စာကရိုက်ရင်နဲ့ လမ်းကြောင်းကပြောင်းသွားတာနဲ့ဗျာ၊ PC ဖွင့်ပြီးစာ ရိုက်နေတယ့် အချိန်က စနေအချိန်မို့လို့ လားမသိ ဇော်လင်း ဆိုတဲ့ အမည်က အင်္ဂါဝိဇ္ဇာတိုင်မှာ ပင်းယကြိုး ဇောက်ထိုးကြီးဗျ၊ သူပဲဇောက်ထိုးနိုင်မလား ကိုပဲပြီးအောင်စာရိုက်ရမလား စဉ်းစားနေတာ ဘာပဲဖြစ်ဖြစ်ပြီးအောင် ရိုက်ရမှာပဲ၊ လူအများလဲလေ့လာလို့ ရအောင်တင်ပေးလိုက်ပါပြီ ………

အဘမင်းသိင်္ခမှော်ဘီရမ်းတလင်းအယူတော်မင်္ဂလာခြံမှာရှိနေစဉ်ဧည့်သည်တစ်ယောက် ဗေဒင်လာမေးပါတယ်။ အဘသင်တန်းပေးခဲ့စဉ်ကပြောပြတာပါ အဲဒီသူက အဘကိုမေးပါတယ် ကျွန်တော်ရာထူးတက်ဖို့ရှိလားဗျာပေါ့၊ သူနဲ့ကလေးငယ်လေး တစ်ယောက်အဖော်ပါလာပါတယ်။ အဘက အဲဒီသူကို ခင်းဗျားရာထူးတက်မှာ အသေအချာပဲဗျာပေါ့၊ အဲဒီသူကလဲ ဝန်ခံပါတယ်။ ဟုတ်ပါတယ် ဆရာကြီး ကျွန်တော် ရာထူးတက်ဖို့က အသေအချာပါပဲ၊ ဒီမှာ Order လဲပါလာပါတယ်၊ အိုက်လိုပြောနေစဉ်မှာ ပါလာတဲ့ ကလေးငယ်လေးက အဲဒီသူရဲ့ ခေါင်းကို ဖက်ကနဲ" ရိုက်လိုက်ပါတယ်။ ဆရာကြီးက တကယ်ကိုယ် စရဏအားကလဲကောင်း၊ ကျင့်ကြံထားတဲ့ ကျင့်စဉ်တွေ၊ လေ့လာထားမှု့တွေကနဲမှ မနဲပဲဗျာ၊ ဒီနိမိတ်က သူ့အတွက်ဆိုတာ တန်းသိသိခြင်း ဒီလိုဟော လိုက်ပါတယ်။ ခင်ဗျား အဲဒီ ရာထူးက ပြသာနာတက်ပြီး အလုပ်ပြုတ်လိမ့်မယ်လို့ပြောလိုက်ပါတယ်။

မကြာပါဘူး အဲဒီသူ အရင်သူတာဝန်ယူခဲ့တဲ့ ကိစ္စ အဟောင်းကပြန်ပေါ်ပြီး အလုပ်ကပြုတ် သွားခဲ့ပါတယ်။ နောက်ပိုင်းမှာ လာမေးတဲ့သူတွေ အတွက် အဲဒီလို နိမ်ိတ်မျိုး ကမကြုံရလေအောင် ဒီလိုလေးစာရိုက်ပြီး ကပ်ထားလိုက်ပါတော့ တယ်။

"မျောက်ထက်ဆိုးသော ကလေးများ ဟောခန်းထဲသို့ ခေါ်မလာပါနဲ့"

နောက်တစ်ခုက ကျွန်တော်ကိုယ် တိုင်ကြုံခဲ့တာပါ၊ ယခုနေထိုင်ရာ အိမ်လေးကို အမျိုးသမီး နှစ်ဦး ရောက်လာပြီး ဗေဒင်လာမေးပါတယ်။ ကျောင်းသူလေးတွေပါ။ တစ်ဦးကမျက်မှန်တတ် ထားပါတယ်။ ကျွန်တော်လဲ သုံးတန်ပေါ်နိစ်တိုင်တွေပါတွေ ထူပေါ့လေ၊ အလုံးစုံတွက်ချက်ပြီးလို့  မှန်တယ်ဆိုတဲ့ ဓါတ်သဘောလေး အရင်ဆုံးရအောင် အရင်ဆုံးညီမ ဘာနေ့သမီးနော်…. သူက ဟုတ်ပါတယ်၊ ကျွန်တော်က ဆက်မေးတယ်…ညီမမွေးနေ့ သက္ကရာဇ်က ဘယ်နှစ်ခုနှစ် ဘာညာ ဟုတ်ပါသလား….. ဟုတ်ပါတယ်..… OK နေပြီ…. ဆက်ပြီးမေးတယ် ညီမက ဘာဖွားမှလား…… အခုခတ်ကြီးထဲမှာ တော်တော်များများက ကိုယ်မဟာဘုတ် ဘာဖွားဆိုတာ သိကြပြီးသားလေ၊ မသိခဲ့ရင်လဲ သိအောင် လုပ်ထားစေချင်ပါတယ်၊ ကိုယ်က မြန်မာလူမျိုးလေ.. မြန့်မာရိုးရာ မဟာဘုတ်ဗေဒင်ပညာ လက်ဆန်းပညာ ဟာ တကယ်ကို နိုင်ငံတကာနဲ့ ယှဉ်ပြီး တကယ်လေ့လာထားရင် တကယ်ကိုအံသြစရာ ကောင်းတဲ့ ဟောချက်တွေ လူတစ်ယောက်ရဲ့ ဘဝဖြစ်စဉ် အစ အဆုံးကို ပုံဖော်ထားလို့ ရသလို့ ဘယ်ဟာက ကိုယ့်ကို ဆော်မှာလဲ အခြားသော ကုသိုလ်ကောင်းမှု့ ယတြာတွေနဲ့ ကြိုကာကွယ် ထားလို့ရတယ်ဗျ…မယုံမရှိနဲ့ ကျွန်တော်ကိုယ်တိုင် တစ်ချိန်တုန်းက ဗေဒင်ဆရာဆိုတာ အာဖျံကွီးတွေပါ ၊ ပါးစပ်ထဲရှိတာ ရွှီးနေကြတာပါလို့ ကြွေးကြော်ခဲ့ဖူးပါတယ်။ ထားပါတော့ အပေါ်မှာ ကျွန်တော်ရေးခဲ့တဲ့ အတိုင်း စနေအချိန်က မကုန်သေးဘူးရယ် လမ်းကြောင်တွေ လွဲကုန်ပြန်ပြီ၊ အိုက်လိုကောင်မလေးကို Intro ဝင်နေတုန်းမှာပဲ ကောင်မလေးက ပါလာတဲ့ တစ်ရူးစကလေးထုတ် မျက်မှန်ကိုချွတ်ပြီး သုပ်လိုက်ပါတယ်။  သူ့ရဲနိမိတ်ကို ကိုယ်ကပြန်ပြီးတည့်မတ်ပေး မလို့ပါပဲ၊ မရတော့ဘူးဗျ သူကံနဲ့သူလာတာ သူသုပ်လိုက်တဲ့ တစ်ရူးက ကုန်သွားတော့ အဖော်မိန်းခလေးဆီက ထပ်တောင်းလိုက်သေးတယ်။ ပါလာတဲ့ အဖော် မိန်းကလေးကလဲ သူ့ရဲတင်ပါကို ရိုက်လိုက်သေးဗျ……..

ညီမစိတ်တော့ မကောင်းပါဘူး ဒီရက်ပိုင်းအတွင်း သတိတော့ ထားပြီးနေပါ နေ့စဉ် ဘုရားတရားလုပ်ဖို့ လိုတယ်။ ညီမ မျက်နှာပျက်စရာကြုံပြီး အရှက်ရခြင်း၊ အိမ်ပေါ်ဆင်းသွား ရတာမျိုးကြုံတတ်ပါတယ်ဟုသာ…………………

နောက်ပိုင်း သူ့သူငယ်ချင်းတွေက တဆင့်ပြန်ကြားသိရတာက ဆရာဆီကပြန်ပြီး မကြာခင် မိဘသဘောမတူတဲ့ ရပ်ကွက်ထဲက ဂျလေဘီတစ်ယောက်နဲ့ လိုက်သွားပါတယ်။ ပြန်ခွဲထားလို့ အိမ်ထဲက အိမ်ပြင်တောင် မထွက်ရတော့ဘူး ဆရာတဲ့………………..အဲဒီတော့ ဗေဒင်မေးတဲ့ မိန်းခလေးများ တစ်ရှုးစ လေးတွေ မဆောင်တာ အကောင်းဆုံးပဲဗျ…

နောက်ပိုင်း "ဗေဒင်ဟောခန်းအတွင်းသို့ တစ်ယောက်ခြင်း ဝင်မေးခြင်းက သင့်အတွက် အကောင်းဆုံး ဖြစ်ပါသည်"ဟုသာ……………………………

နောက်တစ်ခုက ဆရာဖြစ်တဲ့သူက တွက်ချက်ပေးတဲ့ အခါ သူရဲ့ထိုက်တန်တဲ့ ညဏ်ပူဇော်က ပေးရတယ်၊ နောက်ပြီးသိတတ်ရတယ်ခင်ဗျ.. အဲဒါမှ သူနဲ့ ဆရာနဲ့ကြားမှာ ဘာမှစိတ်ကွက်တာမရှိ လုပ်ပေးသမျှ အဆင်ကိုချောဗျ…. ဘာယတြာပေးလိုက် ပေးလိုက် ဟုတ်ကဲ့လုပ်လိုက်မယ်ဆရာ… ဆရာပြောဗျာ… အခုချက်ချင်းလုပ်ရမယ်ဆို…အခုကိုသွားပြီးတော့ကို လုပ်မယ်ဗျာ…အဲဒီပေးလိုက်တဲ့ ယတြာ ချက်ခြင်း အောင်မြင်တယ် မယုံမရှိနဲ့……ဟိုတနေ့က တစ်ယောက် သူ့ရဲ့ကံကိုယ်တွက်ချိန်မှာ ရာဟု ဒသာထဲဖြတ်နေတာ ကြာသပတေးဂြိုလ်အိပ်၊ ဟေ့ကောင် အခုချက်ခြင်းသွားကွာ မယ်လမု ဘုရားကို …

ရာဟုဂြိုလ်တိုင်မှာ ရှားမီး၁၂တိုင်လှုစမ်းကွာလို့…..ချက်ခြင်းကို ညနေစောင်းသွားတယ်….ပြောတဲ့အတိုင်း လုပ်တယ်….မနေ့က မုန့်အကောင်းစား တစ်ပုံးနဲ့ အချိုရည် လာကန့်တော့သွားတယ်….အမျိုးသမီးက တူလေးရှင်ပြုမှာ ထည့်ပြီးလှုမယ်ဆိုပြီး မသွားလေရဲ့………..အဲ့ဒီအကြောင်းကိုနောက်ပိုင်း ဆက်ရေးပေးပါမယ်။

          ကဲနိဂုံးချုပ်ကြဦးစို့ရဲ့…….ဗေဒင်မေးကြတဲ့ ကိုကို မမများ အလွန်ဆော့တဲ့ ကလေးများ ခေါ်မသွားကြပါနဲ့၊ တစ်ရှုးစတွေ ဖြစ်နိုင်ရင် ဟောခန်းထဲယူပြီး အမှတ်တမဲ့ ဆရာဖြစ်သူရှေ့ မသုတ်မိကြစေနဲ့…ဘာပဲဖြစ်ဖြစ် ဆရာဆိုတဲ့သူများဟာ နောက်တာပျော်ပျော်နေတတ် တာကလွဲလို့ သူတို့မှာ အနည်ဆုံး ကံ ၅ ပါးကိုလုံအောင် ထိမ်းကြရပါတယ်၊ လာမေးတဲ့သူအပေါ်မှာ အနိဌ အဆိုးဟော ချက်များ တက်တက်စင်အောင်လွဲလို့ ကောင်းသောဟောချက်များ ရာနှုန်းပြည့် မှန်ကန်ပါစေလို့ အမြဲတမ်းဆုတောင်းပေးတတ်ကြပါတယ်၊ ပြီးတော့ နေ့စဉ်နဲ့ အမျှလဲ သူတို့တွေမှာ ကျင့်စဉ်တစ်ခုခုပဲ ဖြစ်ဖြစ် ကောင်းမှု့ကံလေးတွေ လုပ်ရင်း အချိန်ကုန်စေတတ်ကြပါတယ်လို့ ဆရာဖြစ်သူများ ကိုယ်စား တင်ပြရင်း……ခေတ္တ နားပါဦးမည်။

နှစ်သစ်မှာ ပျော်ရွှင်ချမ်းမြေ့ကြပါစေ